Paskuhan ng CTFLC

Paskuhan ng CTFLC

Ika-10 ng Disyembre 2017 sa Tahanan nina John Guthrie at Blancaflor Villanueva

Sinulat ni Myrna P. Ablana

 

Hindi pa po ako makapagtrabaho

Paskuhan kahapon ay nasa puso ko

Lumulutang pa rin sa sayang dulot n'yo

Maraming salamat sa inyong pagdalo.

 

Totoo po naman, talagang masaya

Christmas Party natin di ba't kakaiba

Esposo at anak, mga apo’t ina

Sila ay kasama, iisang pamilya.

 

Madamdaming tula nitong si Salvador

Taginting ng boses ni Maria Fontimayor

Ang original jokes ni Tilly't Blancaflor

Nagtataka ako at wala si Amor.

 

May maikling miting, kantahan, tugtugan

Halakhakan mandin, hindi mapigilan

Maraming pagkain sa hapag-kainan

"Brown Carabao" naman, puno ng tawanan.

 

Eh bakit ba naman itong si Marilyn

Regalong mabuksan, tiyak aagawin

Lahat naghihintay, biglang sasabihin

"Hindi pa naman "ded," para 'yan sa akin."

 

Si Virginia at Ram, mayro'n ding pakulo

Ang mga pa-raffle, exciting, Diyos ko po!

Ang regalong bitbit isa hanggang sampu

Iaabot sa 'yo, nanggaling sa puso.

 

Espesyal na kuwintas kay Ate Estela

Pinagpuyatan 'yan nitong si Maria

Magagandang parol ginawa ni Blanca

At nagbigay ngiti sa ‘ting Kapamilya.

 

Maraming salamat, sa iyo, Virginia

Sa Socials Comittee, sa lahat-lahat na

Kay John at Blancaflor, tahanang maganda

Sa Panginoong Diyos, tayo'y sama-sama.

 

Damang-dama natin ang pagmamahalan

Ang pagkakaisa at pagbibigayan

Ang ugaling Pinoy, isang kayamanan

Payabungin natin at pahalagahan.

 

 

Buuin po natin ang kaligayahan

Pasayahin naman, mga kababayan

May Karoling tayo, huwag kalimutan

Ang inyong pagsama ay inaasahan.

 

Kung ako naman po, may nakaligtaan

Ako sana'y inyong pagpapasensyahan.

Hindi sinasadya, pagkat tao lamang

Kayo’y minamahal, sana ay tandaan.