Ika-30 ng Hunyo 2018, Skyline Hills Branch Library
Sinulat ni Myrna P. Ablana
Mga kasamahan, heto na, heto na
Ibabahagi ko magandang istorya
Ang workshop kahapon tunay na masaya
Pero na-miss namin ang hindi pumunta.
Sa Skyline Library, idinaos ito
Maraming salamat, kay Mr. Risotto
Nang magsidating na bawat isang miyembro
Tulong-tulong sila, inayos ang kuwarto.
Ang unang presenter ay si Farah Diva
Reading fluency nga itong topic niya
Pangalawa naman Virginiang maganda
Paghabi ng tula itinuro baga.
Naku, ang pangatlo si Sally De Vera
“Kagan” activities, kanyang prinesenta
At bilang pang-apat, si Grace tumayo na
“Writing for Beginners,” wow na wow talaga.
Panlima si Blanca, “Retirement” ang diin
Ang math skills namin ay kanyang ginising
Sinundan ni Ofel, CSP in na in
“Alternative Approach” tiyak gagamitin.
Ang huling speaker, yes po, si Maria
"Pinoy Pala Ako," ikaw, ano nga ba?
Ang facilitator ay itong si Riza
Patok na patok po, mga pakulo n'ya.
Timekeeper si Briar, mayroong palaro
Bola ang ginamit pero hindi biro
Si Mike naghanda rin, lahat pinatayo
Pinoy Henyo naman, ni walang sumuko.
Mag-asawang Idos, mula sa tahanan
Kanilang culture box, pinagpiyestahan
Bakit nga ba hindi, sa dami ng laman
Ang kultura natin, isang kayamanan.
Tinawag ni Gloria ang mga panalo
Mayroong papremyo, bawat isang miyembro
May certificate din pagdating sa dulo
Marilin, Maria, a million thanks to you.
At si Dr. Nacu ay nagbahagi rin
Sa Poway Unified, events na gagawin
Mga bagong guro, nag-volunteer mandin
Sila ay tutulong, kamtin ang mithiin.
Tunay na successful ang workshop kahapon
Ang mga committee, nakamit ang layon
Aking panalangin, na sana'y sa taon
Mas marami tayo, lahat naroroon.
Salamat pong muli, mga kapamilya
Kayo ay kasama, hirap at ginhawa
Ang Poong Maykapal tuwina’y kasama
Nagbibigay lakas, pag-ibig, pag-asa.
